HilmArt
HilmArt presenterer kunst på nasjonalt og internasjonalt nivå i dialog med lokal skapande verksemd. Samspelet mellom biletkunst og musikk er eit av festivalen sine berande element.
Om HilmArt
HilmArt samarbeider med Steinkjer kunstforening, Steinkjer Kulturskole, Steinkjer Vidaregåande skule, Uppdaldåggån, Jakob Weidemanns venner, Saemien Sijte, Egge Museum og andre om utstillingar under festivalen.
Programmet vert planlagt og gjennomført av eit eige programråd.
- Inger Marie LillesandLeiar, programråd
- Elen Kristina UtsiProgramråd
- Ida Warholm BjørkenProgramråd
Bryte knyte knuse lyse
Eit samarbeid mellom HilmArt og Rotvoll Kunstnerkollektiv
Kunstnarens kvardag — og verdsetjinga av arbeidet
Utstillinga handlar om å arbeide som kunstnar. Om det fysiske og abstrakte arbeidet eit kunstnarskap består av — og om verdsetjinga av kunstnarisk arbeid i samfunnet.
Rotvoll Kunstnerkollektiv er eit tverrkunstnerisk arbeidsfellesskap for profesjonelle kunstnarar i Trondheim, med hovudvekt på visuell kunst, musikk og scenekunst — Noregs største fellesskap som er ope for søkjarar frå alle kunstartane.
Når HilmArt viser kunstnarar frå Rotvoll, er det også med fokus på det tverrfaglege — gjennom samarbeidet med Kunstrom Jakob om performancen Atmospheres i Telegrafen laurdag i festivalveka.
Fem røyster frå Rotvoll
Eit utval verk som speglar noko av regionen sitt kunstmangfald — og den poetiske sida av kunstnarskapa.
Karin Lindell
La ballett du plissé — romleg installasjon
Tekstilarbeid som inviterer til dialog om tekstilindustrien, arbeidsforhold og menneskeverd — der kvardagslege materialar ber djupare historier.
Beate Gjersvold
Akvarell frå ekte pigment
Gjennom mangeårig undersøking av pigmenta sine eigenskapar lagar ho akvarellmaling sjølv — frå blodstein, ametyst, epidot, jord og leire.
Katarzyna Anna Chrzanowska
From Shelter to Sky — keramisk installasjon
Eit verk om staden der vi finn ly, der jorda blir form og nytte — og himmelen som symbol på menneskeleg førestellingsevne.
Ingunn Ystad
Forsvinningsverk — pågåande serie
Måleri og romlege måleridraperi sydd saman av målte lerret. Ein dialog mellom flate og form, materialitet, rørsle og stille.
Marie Rechsteiner
Atmospheres — speilflater og performance
Visuell kunstnar og dansekunstnar. Speilkubene i Atmospheres er både vegginstallasjon og del av den performative prosessen.
Atmospheres
I samarbeid med Kunstrom Jakob
Laurdag 8. november · kl 14–17
Atmospheres er ein performativ, tidsbasert installasjon av dansekunstnar og visuell kunstnar Marie Rechsteiner. Åtte speilkubar vert flytta i interaksjon med dansarane sine rørsler.
Verket spring ut frå ein fasinasjon over rommet sitt potensial — ein flytande prosess der utøvar, rom og publikum kontinuerleg formar kvarandre. Gjennom kubene si blanke overflate skin årringar frå treverket gjennom; eit samspel mellom det naturlege og det konstruerte.
- Konsept & visuelt rom
- Marie Rechsteiner
- Dansarar
- Marie Rechsteiner, Nina Wollny
- Lydkunstnarar
- Gyrid Nordal Kaldestad, Are Lothe Kolbeinsen
Kunstvandring 2025
Frå Steinkjer Kulturhus og ut i sentrum — fem stopp på halvanna time.
- 17.00Steinkjer Kulturhus
- 17.15Kunstrom Jakob
- 17.30Steinkjer Kulturskole
- 17.45Steinkjer Fotoklubb
- 18.00Steinkjer Maleklubb
Ild / Dålle
Med Lena Stenberg, Erlend Leirdal og Harald Bredholt — sørsamisk duedtie, vætnoe
Telegrafen og Saemien Sijte · 6.–30. november. Fjerde og siste del i utstillingsserien Jord–Luft–Vatn–Eld, produsert og vist i samarbeid med Saemien Sijte.
Hovudtemaet reflekterer omkring forholdet mellom menneske og natur — bruk, tilgang og tap av natur til fordel for næringsinteresser. I samisk naturforståing er mennesket sjølv natur, og menneskeleg eksistens er avhengig av samspel på naturen sine premiss.
Duedtie-arbeida i utstillinga ber sin tradisjon og sitt natursyn — og dialogen mellom Stenberg, Leirdal og Bredholt opnar for samtalar om kolonisering, ressursbruk og kunstnaren si rolle i debatten.
Tidlegare utstillingar
Eit utval HilmArt-utstillingar frå dei siste åra.
- ILD / DÅLLE
- Enter Ghost, Exit Ghost, Re-Enter Ghost
- HilmArt 2023
- HilmArt haust/vinter 2022
- HilmArt sommar 2022
Snakk med oss om HilmArt
Har du spørsmål, idéar eller ønskjer eit samarbeid? Ta kontakt direkte med oss som jobbar med satsinga.
HilmArt er der biletkunsten møter folkemusikken — eit rom for å sjå tradisjonen på nytt gjennom andre kunstnariske blikk.